الجمعة, 23 أغسطس , 2019

خروفة

بنت عمان

قلت يا يمه تراني
أحب الخراريف
ومن يوم راحت جدتي
ما قد سمعت أي خروفة
قالت يا بنتي وين إنتي
و وين الخراريف
عالمها عالم مختلف
إنتِ تعيشي بعالم
كله ترف وبهرجة
قلت يا يمه ترا
خروفة وحدة
بس أبي
وما غيرها في بالي تراه
أنا بقول الي أذكره
وإنتِ عليكِ التكمله
قالتلي طيب الي أذكره
لك من عيوني بأكمله
في يوم يا يمه ترا
جدتي قالت خروفة
عن بنت سلطان مخطوفة
وهذا كل شيء أذكره
إحتارت أمي وش تقول
وقريت حيرتها
في عيون صادقة
تشبه عيون جدتي
الراحلة
وتلعثمت أمومتي
وهي تقول
يا بنيتي
كل الخراريف أرحلت
مع جدتك
وسجلت معها غياب
من دنيتي
أحاول أتذكر
ولا قدرت
وش حصل من بعدها
بخروفتك
ما مير أتذكر
أنا بس ضحكتك
مع جدتك
وحروفها لما أتأثر
بضحكتك
هي تشبهك
وتأخذ ملامح طلتك
عفويتك تشبه لها
وخروفتك هي أصلها
يا أصل كل خروفة
لجدتك
والحين هي
تتباهى بك
وإنتِ إنسجي
من حبها
خروفتك

الإعلانات

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.