الموضوع: ضبط wifi جامعة السلطان قابوس في nokia sympian S60 3D edition

راح اشرحلكم كيف يمكن ظبط ال wifi في هوتف نوكيا طبعا sympian s60 3d انا استخدم E71 وراح اشرحلكم كيف ضبطتها فيه

اول شيء لازم تفتح موقع جامعة السلطان قابوس www.squ.edu.om وتروح SQU portal وتدخل ال username و password مالك
بعدين تروح خدمات اخرى او بالإنجليزي servises وتروح على خدمة الواير لس وتسوي تسجيل
بتظهر صفحه تروح آخر شيء تحصل فراغات تعبي فيها الmac address مال الهاتف إلي ممكن تحصله بكتابة هذا الرقم في شاشة الهاتف مباشرة #62209526#* من اليسار إلي اليمين


بيخبروك انه راح يتم تسجيل جهازك بعد يوم عمل كامل وطبعا مسموح انه الواحد يستخدم جهاز واحد فقط


نتقل إلي الخطوة الثانيه وإلي هيه ظبط الwifi او WLAN في الهاتف
تروح menu بعدين connectivity بعدين WLAN wiz
تختار SQU_WLAN وتضغط options بعدين edit access point
خلي كل شيءي على حاله لا تغير شيء بس تأكد انه الNetwork status يكون puplic
و WLAN network mode يكون Infrastructure
2- اختار WLAN security mode وخليه WPA/WPA2
3- روح على الWLAN security setting
3- اختار WPA/WPA2 وخليه EAP
4- اتأكد انه WPA2 onlymode يكون off
5- ادخل على EAP plug-in setting وإختار EAP-PEAP وإضغط options وسوي Enable وروح على باقي ال ُEAP وختار options وسوي عليهم Disable
6- اختار EAP-PEAP وإدخل عليه
7- غير الPersonal certificate وخليه Not defined
8- اختار Authority certificate وبتحصل قائمة طويله اختار منها Equifax secure Certificate
9- اختار username in use وخليه User definde.
10- اختار username ودخل username الجامعه
11- اختار Relame in use وإختار user difined
12- اترك Realame فارغ
13- اضغط يمين في "ما Back"
14-بتحصل قائمه فيها EAP سوي على الجميع disable وسوي على EAP-MSCHAPv2 عليه Enable
15- اضغط مره ثانيه على "يمين" وبتحصل قائمه سوي عليها كامل Enable وبعدين سوي back لحد ما تطلع من كل هذا
16- بعد مرور يوم عمل كامل تروح تتأكد مره ثانيه من ال SQU portal انه تم تفعيل الmac address مالك المفروض انه الإنترنت تشتغل في الهاتف

عاد اعذروني على الأخطاء الإملائية او اذا في صعوبه في الشرح

حصلت على هذي الطريقه بعد اسبوع من البحث في موقع الجامعة والإنترنت لأنه الإنترنت مال الجامعة تختلف عن الإنترنت في الأماكن الأخرى
وإذا اي واحد حب يزور مركز نظم المعلومات عشان يضبطوا النت في تلفونه فراح يحصل الرد انه "نحن ما نقدر نساعدك عشان ما نقدر نفتح المجال للطلاب لأنه لكل هاتف نقال طريقه غير في الضبط"
عاد سامحوني اصحاب الأريكسون والبلاك بيري وال iphone لأني ما اقدر افيدهم

شي حلـــوو..مشكــووور..

أنا مسجلة لابتوبــي..يعني ما يصلح أسجل موبايل..

جزيت خيرا اخي ع المجهود...بارك الله فيك

عندي سؤال اذا ممكن...يعني قصدك افتح النت ف تلفوني ؟؟
وشو المقصود...تحصل فراغات تعبي فيها الmac address مال الهاتف إلي ممكن تحصله بكتابة هذا الرقم في شاشة الهاتف مباشرة #62209526#* من اليسار إلي اليمين

يزاااك الله خير ...

انا حسابي مسجله فيه اللابتوب

فـ بشوف حساب ربيعتي بسجل فيه التلفون ...

يسلموا ع الموضوع
بس انا مسجله لاب توبي
يصير بعد الجوال ولا لا ؟؟

شكرا لك

المشاركة الأصلية كتبت بواسطة شمس 2007

عندي سؤال اذا ممكن...يعني قصدك افتح النت ف تلفوني ؟؟

يقصد تفتحي النت من تلفونك بس عن طريق الشبكة اللاسلكية الي ف الجامعة..

المشاركة الأصلية كتبت بواسطة شمس 2007

وشو المقصود...تحصل فراغات تعبي فيها الmac address مال الهاتف إلي ممكن تحصله بكتابة هذا الرقم في شاشة الهاتف مباشرة #62209526#* من اليسار إلي اليمين

يقصد لكل جهاز له رقم لكارد الواير لس معين ، لازم تكتبي في تلفونك هالرقم #62209526#* بعد كذا أتصل وبيظهر لك رقم طويل، أحفظية..
بعد كذا ادخلي البورتل ودخلي الرقم وبعد يوم سوف يتم تسجيلك..




وأتأسف على التطفل..

شكراً جزيلاً ..!
سمعت عنها الطريقه بس ما جربتها ..

بجرب